Linke:

  - Keshilli Ministrave ,

    Ministria e Financave,

    Min.e Puneve te Jasht,

    Ministria e Ekonomise,

    Ministria e Punes

    Banka e Shqiperise

    Tatimet, Doganat

    Dhoma e Tregtise,

    Shoqata e Ndertuesve,

_____________________

Moti Sot

Numeratori tel.

 

3 Gusht 2007

DEKLARATË

E

“KONFINDUSTRIA SHQIPTARE”

Konfindustria Shqiptare ndjek me shqetsim përkeqsimin  e imponuar nga faktorë objektivë të gjëndjes së furnizimit me energji elektrike si për konsumatorët individualë ashtu edhe të atyre për qëllime biznesi. Në kushtet kur prodhimi dhe importi i energjisë është një faktor që nuk mund të  influencohet dhe të ndyshojë në periudha kohe të shkurtëra, e vetmja rrugë që mund të çojë në daljen nga kriza me sa më pak pasoja mbetet përdorimi racional i burimeve që kemi në dispozicion dhe shkurtimi i detyruar i konsumit. Për daljen nga situata nuk kërkohet vetëm marrja e masave tekniko-administrative, por mbi të gjitha është i nevojshëm një pakt social dhe politik ndërmjet forcave politike në pozitë dhe opozitë, si dhe një marrveshje ndërmjet të tre partnerëve socialë, Qeverisë, Organizatave të sipërmarrjeve dhe Sindikatave të puntorëve. Për këtë qëllim Konfindustria Shqiptare përderisa të normalizohet situata, duke mos e konsideruar krizën një çështje jo vetëm të Qeverisë propozon:

1. Të thirret nga Presidenti tryeza e partive politike e të gjithë spektrit për të rënë dakord për të ndaluar ç’do mbledhje ose manifestim të organizuar nga politika për të protestuar ndaj ndërprerjes së energjisë elektrike që do të çonte në tensione dhe përplasje të pakuptimta sociale.
2. Të thirret me urgjencë nga Qeverija një tryezë me partnerët e saj socialë, sipërmarrësit dhe sindikatat e puntorëve për të shqyrtuar masat e mëposhtëme :

Masa afatshkurtëra:

1. Të “triskëtohet” energjia elektrike duke caktuar kuota konsumi të detyruar si për konsumatorët familjarë, ashtu edhe për çdo njësi biznesi dhe institucione të të gjitha natyrave.
2. Brënda kuotës së triskëtuar tek konsumatorët individualë të bëhet diferencë e thellë çmimi për nevoja të dorës së parë (ndriçim dhe informim) dhe për konsum të llojeve të tjera.
3. Të mos ndryshojë çmimi për kwh për konsumatorët prodhues dhe biznesin rentabël vetëm për atë kuotë energjie që merr pjesë direkt në proçeset kryesore të veprimtarisë. Të bëhet diferencë për proçeset ndihmëse që nuk dëmtojnë  në mënyrë të drejtpërdrejtë proçesin kryesor të prodhimit apo të shërbimit dhe ku mund të kursehet energji.
4. Të vazhdojë dhe të forcohet lufta dhe të merren masa drastike kundër vjedhësve të energjisë elektrike dhe të atyre që nuk paguajnë.

Masa aftgjata :

1. Të liberalizohet në maksimum dhënia e liçencave për ndërtimin e prodhuesve të energjisë elektrike
2. Të shikohet mundësia dhe të merret në konsideratë prodhimi i energjive alternative
3. Të përgatitet në një kohë sa më të shpejtë privatizimi i prodhuesve dhe transmetuesve të energjisë elektrike.
4. Ti jepet garanci shtetrore të gjithë investitorëve të mëdhenj që kanë për qëllim ndërtimin e veprave të mëdha energjitike në vëndin tonë.

Ju Faleminderit

Presidenti

ing. Hajredin Fratari